Katër raste të dhunës në familje të raportuara gjatë 24 orëve

Dhuna në familje vazhdon të jetë fenomen shqetësues në vendin tonë. Policia e Kosovës në raportin ditor ka bërë të ditur se gjatë 24 orëve të fundit janë raportuar katër raste të dhunës në familje.

Sipas njofitmit të PK-së bëhet e ditur se rastet e dhunës kanë ndodhur në Fushë- Kosovë, Obiliq, Mitrovicëm raporton Zeri.info.

Njoftimi I plotë:

Fushë Kosovë 03.04.2026 – 01:59. Është arrestuar e dyshuara femër kosovare, pasi ajo ka shqetësuar dhe kanosur viktimën mashkull kosovar, i cili kishte urdhër mbrojtje nga gjykata. Me urdhër të prokurorit e dyshuara pas intervistimit është liruar në procedurë të rregullt.

Fushë Kosovë 03.04.2026 – 09:00. Është arrestuar e dyshuara femër kosovare, pasi që e njëjta dyshohet se pas një mosmarrëveshje në familje, e ka sulmuar fizikisht bashkëshortin e saj. Palët janë intervistuar dhe me vendim të prokurorit e dyshuara është dërguar në mbajtje.

Obiliq 03.04.2026 – 20:00. Pas një mosmarrëveshje në familje, janë përfshirë në rast, e dyshuara femër dhe i dyshuari mashkull kosovar (babë e vajzë). Palët kanë pranuar tretman mjekësor dhe pas intervistimit me urdhër të prokurorit janë liruar në procedurë të rregullt.

Mitrovicë Jug 03.04.2026 – 15:20. Viktima femër kosovare, ka raportuar se djali i saj i moshës madhore me probleme psikike, pas një mosmarrëveshje në banesë e ka kanosur. I dyshuari nuk është takuar dhe gjendet në arrati.