Sulaj fton artistët të marrin pjesë në ekspozitën “Tërmeti në Shqipëri"

Piktori i mirënjohur Agim Sulaj, i cili trajton shpesh në veprat e tij temën e emigrimit, është solidarizuar me qytetarët e prekur nga tërmeti në Shqipëri dhe ka ftuar artistë nëpër botë të marrin pjesë në një ekspozitë me temë “Tërmetin në Shqipëri”. Mbi 100 karikaturistë të njohur në botë janë përgjigjur me pjesëmarrjen e tyre. “Këto ditë në Shqipëri ishte një tërmet me shumë viktima dhe dëme, me mirësi ju ftoj të ndani kohën tuaj të çmuar dhe të më dërgoni një punim me këtë temë”, kështu i ka ftuar ai artistët.

Kjo ftesë është e hapur për të gjithë, si: karikaturistë, ilustrues, piktorë e disenjatorë. Numri i pjesëmarrësve nuk është i limituar. Deri më tani mbi 100 karikaturistë të njohur në botë i janë përgjigjur ftesës për pjesëmarrje në këtë ngjarje. Afati për dorëzimin e veprave nga artistët është i hapur deri më 6 dhjetor 2019.Zëri