Do të ketë dhomën e saj personale, portreti i Mona Lisës pritet të zhvendoset

“Mona Lisa”, portreti më i famshëm në botë, mund të ketë dhomën e vet personale në Louvër dhe këtë e konfirmon vetë drejtori i muzeut. Një lëvizje e tillë do t'u jepte vizitorëve, shumë prej të cilëve vizitojnë Louvrin vetëm për pikturën e famshme, një përvojë më të mirë sipas Laurence des Cars.

“Është gjithmonë zhgënjyese kur nuk u bën vizitorëve mirëseardhjen më të mirë të mundshme dhe ky është rasti me Mona Lisën”, tha ai, duke nënvizuar se: “Një zgjidhje më e mirë më duket e nevojshme.”

Muzeu i Louvrit, muzeu më popullor në botë, mirëpriti pothuajse 9 milionë vizitorë në vitin 2023. Sipas Guardian, Des Cars tha se 80% e tyre - 20,000 njerëz në ditë - sfiduan turmat për të kapur një paraqitje të shkurtër të buzëqeshjes enigmatike të Mona Lisës.

Mona Lisa ndodhet në Salle des États (Salla e Shtetit) të Luvrit, dhoma më e madhe e muzeut, brenda një kutie xhami mbrojtës, por kryevepra e Leonardo da Vinçit nuk është e vetme atje.

Piktura ndodhet pranë veprave të mjeshtrave venecianë të shekullit të 16-të, ndërsa përtej sallës është piktura më e madhe e Louvrit, Dasma në Cana nga Paolo Veronese. Mona Lisa ishte në shënjestër të dy protestuesve mjedisorë në janar, të cilët hodhën supë, duke bërë thirrje për një "dietë të shëndetshme dhe të qëndrueshme". Piktura, e cila ishte pas xhamit antiplumb, nuk u dëmtua. /dosja.al