A e dini se fluturat përcjellin mesazhe?

Nëse ndonjë flutur aksidentalisht të del para, një mesazh hyjnor po të paraqitet.

Grekët e lashtë besonin se ndonjëherë flutura mund të ishte shpirti i dikujt, i maskuar, i cili udhëtonte nëpër botë.

Por cilat janë mesazhet që dërgojnë fluturat?

Flutura portokalli

Të shohësh një flutur portokalli zakonisht është një sinjal që duhet të jemi aktivë dhe optimistë. Një mundësi apo ndryshim po vjen dhe duhet gjithë entuziazmi i nevojshëm për të marrë maksimumin e kësaj situate.

Flutura e verdhë

Fluturat e verdha nuk janë shumë të qarta për t’u kuptuar, pasi paralajmërojnë ndryshime në jetë, por nuk dihet nëse janë për mirë ose jo.

Marinarët që shihnin një flutur të tillë, para se të hipnin në anije, e merrnin këtë si shenjë që ky do ishte udhëtimi i tyre i fundit.

Gjithsesi, fluturat e verdha nuk janë shenjë e vdekjes, por një shenjë për t’u zgjuar sepse një tjetër jetë ju pret.

Flutura e gjelbër

Një flutur e gjelbër është shenjë e fatit të mirë, rritjes dhe bollëkut.  Ndërkohë, nëse flutura e gjelbër fluturon sipër kokës, duke bërë rrathë, pasuria dhe mirëqenia po vijnë. Nëse një flutur e tillë futet në ambjente të brendshme, atëherë fati i mbarë do vijë pë rata njerëz që jetojnë aty. Ndërkohë, mund të jetë ngritje në detyrë, sukses apo lajme të papritura si shtatzania apo martesa.