Financat na bëjnë të pandershëm

Kultura e botës financiare mund të nxisë sjellje të pandershme? Ekonomistë të Universitetit të Cyrihut kanë kryer një test me 128 punonjës në banka dhe kanë vërejtur që, nëse mendonin për punën e tyre, ishin më të prirur të gënjenin.

U kërkuan që të luanin kokë apo pil me një monedhë dhe të thoshin më pas rezultatet; sa më shpesh të deklaronin se u kish rënë kokë, aq më shumë para fitonin.

Në mesin e testit disave u ishte kërkuar të flisnin për punën e tyre, të tjerëve për hobet që kishin; të parët thanë se u kish rënë kokë në 58.2% të rasteve, të dytët në 51.6 %. Një mospërputhje që mungon te grupet e tjera, si për shembull studentë.