Çfarë është ashurja dhe si përgatitet?

Ashurja është një ëmbëlsirë tradicionale, me origjinë osmane dhe lindore, që përgatitet sidomos nga myslimanët për të përkujtuar Ditën e Ashures, një datë e rëndësishme që bie më 10 Muharrem, muaji i parë i kalendarit hënor islam

Përgatitja dhe shpërndarja e ashures simbolizon falënderimin, mirësinë, paqen dhe solidaritetin mes njerëzve, fqinjëve dhe familjarëve.E bërë me grurë të zier, fruta të thata, arra e erëza aromatike, ashurja mbetet një nga ëmbëlsirat më të vjetra dhe më të dashura të kuzhinës sonë tradicionale, që sjell bashkim e kujtime të mira në tryezat tona, transmeton Telegrafi.

Përbërësit:

ë 500 gr grurë i pastruar (i zier paraprakisht)
ë 200 gr sheqer (sipas dëshirës mund të shtohet)
ë 100 gr rrush i thatë
ë 100 gr arra të copëtuara
ë 50 gr bajame të qëruara
ë 50 gr fiq të thatë (të prerë në copëza)
ë 50 gr kajsi të thata (të prera në copëza)
ë 1 mollë e prerë në kubikë të vegjël
ë 1 lugë gjelle kanellë pluhur
ë 1 lugë gjelle niseshte (sipas dëshirës, për trashje)
ë 1 l ujë (ose më shumë, sipas nevojës)Për dekorim:

ë Kanellë pluhur
ë Arra të copëtuara
ë Bajame ose lajthi
ë Shegë (nëse keni)Përgatitja:

Zierja e grurit:

Grurin e pastruar dhe të larë e vendosni të zihet në ujë të bollshëm, mundësisht një natë më parë ose të paktën disa orë para përgatitjes. Ziejeni derisa të zbutet mirë dhe të hapet kokrra.

Pasi të jetë zier, largoni ujin e tepërt (nëse ka shumë) ose e lini me ujë sipas dëshirës për trashësinë që e doni ashuren.

Përgatitja e frutave të thata:

Fiqtë dhe kajsitë e thata priten në copëza të vogla. Rrushi i thatë mund të lahet në ujë të vakët për ta zbutur.

Bashkimi i përbërësve:

Në tenxhere shtoni sheqerin, frutat e thata, mollën, bajamet, arrat dhe përzieni ngadalë.Lëreni të vlojë edhe 15-20 minuta në temperaturë mesatare.

Nëse dëshironi që ashura të jetë pak më e trashë, mund të shtoni një lugë niseshte të tretur në pak ujë të ftohtë, duke e përzier vazhdimisht që të mos formojë kokrriza.

Shtoni kanellën pluhur dhe përzieni lehtë.

Shërbimi:

Ashurja derdhet në tasa ose pjata të vogla dhe lihet të ftohet.

Para se të shërbehet, dekorohet me pak kanellë pluhur sipër, arra të copëtuara, shegë ose bajame sipas dëshirës.

Këshillë: Ashurja zakonisht përgatitet në sasi më të mëdha dhe shpërndahet te fqinjët, familjarët dhe miqtë si simbol i paqes dhe mirësisë.

Mund të ruhet disa ditë në frigorifer.

Ju bëftë mirë.