“Vogue” zbukurohet me portretin e Dua Lipës

Dua është bërë dy herë fituese e çmimit Grammy, dy herë e MTV Europe Music Awards dhe tri herë fituese e Brit Awards - një këngëtare e cila doli nga një prej viteve më të vështira të industrisë së saj si një përbindëshe e popit, shkruan “Vogue”, transmeton Zeri.info.

Por, si e arriti këtë? "Me punën time. Unë gjithmonë them, 'Mirë, çka ka më tutje?'", thotë ajo.

Ky shqetësim, pranon 25-vjeçarja, është pjesërisht sepse, në kohën kur u realizua intervista, në Angli hynë në fuqi masat e reja të izolimit total. Planet për t'u takuar personalisht janë ndërprerë dhe biseda u realizua në Zoom, "unë këmbëkryq në shtratin tim, Lipa ulur në një divan në shtëpinë e saj në Londër, me një seri printimesh me shije prapa saj, duke përfshirë - Untitled Sugar Ray Robinson i “Jean-Michel Basquiat”", thotë gazetarja Yomi Adegoke.

Ajo thotë se kamera nuk është cilësia më e mirë dhe dhoma është e ndriçuar dobët, megjithatë buzëqeshja e saj si e Colgate dhe lëkura e gatshme për Insta janë me shkëlqim pozitiv.

Dua ishte një nga fituesit e rrallë të vitit 2020. Megjithëse turnetë e saj në Mbretërinë e Bashkuar dhe në Evropë u shtynë, nëntori e pa atë të jepte një përvojë koncertale "shumëdimensionale", të quajtur "Studio 2054", e xhiruar në një depo dhe transmetuar drejtpërdrejt në të gjithë globin. Pesë milionë persona e ndoqën transmetimin e parë - një shifër rekord-thyes në historinë e transmetimit të drejtpërdrejtë.

Në të njëjtin muaj, dueti i saj i paralajmëruar kohë më parë me Miley Cyrus, "Prisoner", bëri shumë bujë, ashtu si edhe lansimi i versionit të zgjeruar të albumit të saj rekord thyes “Future Nostalgia”.

Fillimisht, ajo kishte frikë se albumi i saj me përzierje rrymash të viteve 1970 e miksuar me tinguj pop të '80 dhe '90 do të shkonte në vesh të shurdhër.

Por, ai u bë albumi më i transmetuar i një britanikeje në një ditë të vetme dhe e çimentoi Lipën si një yll ndërkombëtar. Ajo i futi njëkohësisht tre këngë: "Don’t start now", "Physical" dhe "Break my heart" në top 10. Gruaja e fundit britanike që arriti këtë sukses ishte Vera Lynn, në 1952.

Ajo është ne lidhje me Anwar Hadid, vëllain e motrave Bella dhe Gigi Hadid, për më shumë se një vit e gjysmë dhe verën e kaluar adoptoi një qenush të cilin e quajti Dexter.

Si shumë tjerë, Lipa ka një marrëdhënie të komplikuar me internetin. Po, ka qenë pjesë integrale e ngritjes së saj - ishte vendi ku ajo bëri emrin e saj dhe vazhdon ta bëjë këtë. 

#Dualipachallenge, për "Don’t start now", u bë një prej rutinave më të mëdha të verës në TikTok.

Poashtu ka luftuar me mediat sociale, duke theksuar efektet e saj të pafavorshme mbi gratë në fjalimin e saj të Unionit të Kembrixhit 2019.

Ndërsa jeta në sytë e publikut mund të bëjë të veten, Dua pohon se shumë gjëra kanë mbetur të pandryshuara. "Jeta ime në shtëpi është me të vërtetë normale", thotë ajo. “Njerëzit me të cilët jam rrethuar më kanë njohur për kohë të gjatë. Puna ime nuk e përcakton rrethin tim dhe kjo e bën ndryshimin”.

Rrënjët e Lipës qëndrojnë në Prishtinë, Kosovë, nga ku iku familja e saj në 1992, e dëbuar nga forcat nën drejtimin e presidentit serb Slobodan Millosheviq. Si refugjatë, prindërit e saj erdhën në Londër, ku lindi Dua.

Eshtë e vetëkuptueshme që Lipa është totalisht anti-Brexit dhe e trazuar nga retorika anti-imigrim.

"Njerëzit nuk largohen nga vendi i tyre nëse nuk kanë nevojë", thotë ajo.

“Për të shpëtuar familjet e tyre, për të provuar dhe për të pasur një jetë më të mirë. Njerëzit duan të jenë atje ku është familja e tyre, ku është shtëpia e tyre, ku ata flasin gjuhën që është amtare për ta, ku ata kanë kulturën e tyre".

Në moshën 15 vjeçe, Lipa i bindi prindërit e saj që ta linin të kthehej e vetme në Britani, për të ndjekur ëndrrën e saj për të performuar.
Pasi u transferua me një mik të familjes në veri të Londrës, ajo ndoqi Shkollën e Teatrit Sylvia Young gjatë fundjavave dhe bëri një emër për veten e saj duke lansuar këngë kopertine në internet.

Aty ndoqi një periudhë modelimin dhe një blog të modës - që nuk është e papritur, duke pasur parasysh veshjet dhe kontratat e Lipës me kompani si Pepe Jeans, Puma dhe YSL Beauty. Ajo nuk e përjashton një kthim në pistë të modës, por si një stiliste. "Do të doja të bëja diçka argëtuese për sa i përket modës", thotë ajo, transmeton Zeri.info.

 “Për momentin, fokusi im është muzika, por dua të jem në gjendje të degëzohem dhe të bëj diçka tjetër. Do të më pëlqente të krijoja një markë dikur, por më duhet ta bëj atë me hapa të bebes".

"Për gratë, është shumë më e vështirë të fortësohesh si individ në muzikë. Në një botë të përsosur, nuk do të na duhej ta provonim veten deri në atë pikë sa të themi nga dyshemeja, 'duhet të më dëgjojnë'. Por kjo është bota në të cilën jemi tani”, tha Lipa në këtë intervistë në "Vogue".

Megjithatë, kompanitë tani po i lejojnë artisteve femra të gjejnë veten.

“Më pëlqen të dëshmoj se mund ta bëjë një punë. Jam kokëfortë”, përfundoi Dua Lipa. /Zëri