Genta Ismajli publikon një video me burrin e saj në TikTok, ku ai ushqehet nga një pjatë e servuar mbi trupin e saj në tavolinë

Genta Ismajli, këngëtarja e njohur shqiptare, së bashku me bashkëshortin e saj, sipërmarrësin turk Huseyin Usta, ka ndarë një moment të veçantë me ndjekësit e saj në TikTok. Në një video të postuar së fundmi, çifti shfaqet duke shijuar një mbrëmje me elemente teatri dhe romantike.

Në pamjet e shkurtra, Genta shihet e shtrirë me elegancë mbi tavolinën e ngrënies, e cila është transformuar në një skenë ku sushi është shtruar mbi barkun e saj.

Ndërkohë që ajo qëndron në qetësi, bashkëshorti i saj Huseyin merr një shtresë sushi për të provuar, një skenë që shton një prekje të pazakontë dhe intimiteti në video. Tavolina është e dekoruar me pije dhe një sërë ushqimesh të tjera, duke krijuar një atmosferë festive dhe të veçantë.

Reagimet e fansave në video ishin të përziera. Disa e kanë gjetur skenën romantike dhe kreative, duke e lavdëruar çiftin për shpirtin e tyre të lirë dhe ndarjen e një momenti kaq personal. Ndërkohë, të tjerë e kanë cilësuar si të çuditshme dhe kanë komentuar se nuk po e shohin gjestin aq provokues.

Ndonëse videoja mund të mos jetë e zakonshme për shumë nga ndjekësit, ajo reflekton një trend që ka kapluar platformat e rrjeteve sociale, ku individët ndajnë momente nga jeta e tyre private, hera-herës me një këndvështrim artistik ose humoristik.

Genta Ismajli, e njohur për hitet e saj në estradën shqiptare, ka kohë që nuk ka sjell ndonjë projekt të ri muzikor për fansat, duke u përkushtuar më shumë në jetën e saj familjare. /Telegrafi

@ustagenta #s #u #s #h #i #t #i #m #e #ë #ë #ë #ë @gentaismajliofficial ë Her Gün Yeni Müzik ë - orijinal ses - Her Gün Yeni Müzik