Bella Hadid shihet e veshur me mantel në Venecia
Bella Hadid u pa në një nga sipërmarrjet e saj të rralla në aktrim, teksa xhironte për serialin e ardhshëm, “The Beauty”, në Venecia.
Supermodelja 28-vjeçare mahniti me një pamje elegante, duke shfaqur tiparet e saj me një grim të sofistikuar dhe buzëkuq të ndezur.
Gjatë xhirimeve në temperaturat e ftohta, Bella u mbështoll me një pallto të madhe Dry Robe me kapuç blu dhe lesh të bardhë, mbi një bluzë të bardhë dhe pantallona sportive gri, shkruan DailyMail.
Ajo kombinoi pamjen me çorape të trasha dhe shapka Birkenstock, duke zgjedhur komoditetin mes skenave.
Ende dihet pak për rolin e saj në “The Beauty”, një seri e prodhuar nga Ryan Murphy, me yje si Evan Peters, Ashton Kutcher dhe Jeremy Pope.
Bazuar në një roman grafik të vitit 2016, seriali përshkruan një botë ku një sëmundje e transmetueshme seksualisht i bën njerëzit fizikisht më të bukur, por fsheh një sekret të errët.
Ky projekt shënon rikthimin e Bellas në ekran, pas debutimit të saj në serialin “Ramy”.
Përveç suksesit në aktrim, ajo u rendit si modelja e tretë më e paguar për vitin 2025, pas motrës së saj Gigi Hadid dhe Kendall Jenner.
Në jetën personale, Bella është në një lidhje me kaubojin Adan Banuelos dhe së fundmi ka blerë një shtëpi në Teksas
