Zoe Kravitz kritikon pa dashje Austin Butler-in mes thashethemeve për romancë

Zoe Kravitz e gjeti veten në një moment të sikletshëm gjatë një interviste me poligraf për Vanity Fair, ku u shfaq përkrah Austin Butler-it për promovimin e filmit të tyre të ri “Caught Stealing”.

Kur ai e pyeti cili ishte spin-off më i mirë i Sex and the City, Zoe u përgjigj prerë: “Asnjëri. Lëreni shfaqjen të qetë”.

Ajo nuk e dinte se Austin kishte qenë aktor në “The Carrie Diaries”, gjë që e la të turpëruar kur ai ia kujtoi, shkruan DailyMail.

Dyshja ka ndezur prej javësh thashethemet për një romancë, pas shfaqjeve të tyre flirtuese në promovime dhe premierën e filmit në New York, ku u panë shumë të afërt.

Spekulimet u shtuan edhe më shumë pas raportimeve se ata janë parë bashkë në një bar në Paris, megjithëse Zoe është parë gjithashtu në shoqëri të ngushtë me Harry Styles në Romë.

“Caught Stealing”, ku luajnë Butler dhe Kravitz përkrah Liev Schreiber, Matt Smith, Regina King e Bad Bunny, do të dalë në kinema më 29 gusht.

Filmi, i vendosur në New Yorkun e viteve të 90-ta, ndjek një ish-lojtar bejsbolli që përfshihet në botën e rrezikshme të krimit.