Vajza e Kylie Jenner rikrijon një nga pamjet ikonike të nënës së saj

Vajza e Kylie Jenner rikrijon një nga pamjet ikonike të nënës së saj

Showbiz August 30, 2025 - 21:27

Stormi, vajza 7-vjeçare e Kylie Jenner, ka rikrijuar një nga pamjet më të njohura të nënës së saj nga epoka e “King Kylie”.

Në një fotografi polaroid të ndarë nga Kylie në Instagram, vogëlushja shihet me një paruke portokalli, një stil që ylli e kishte mbajtur rreth vitit 2016, në kulmin e famës së saj online.

Në atë periudhë, Kylie e shoqëronte pamjen me grim të theksuar dhe vetulla të trasha, ndërsa kishte lançuar Kylie Lip Kits, linja që më pas do të shndërrohej në perandorinë e saj miliardëshe të bukurisë, shkruan DailyMail.

Së fundmi, 28-vjeçarja festoi ditëlindjen me një darkë intime mes familjes dhe miqve të ngushtë, përfshirë Hailey Bieber, duke ndarë imazhe nga festa në rrjete sociale.

Ndërkohë, Jenner po i jep dorën e fundit rezidencës së saj të re në Los Angeles, një pronë madhështore e blerë në vitin 2020.

Shtëpia, që pritet të përfundojë së shpejti, do të ketë 15 dhoma gjumi, garazh nëntokësor për 12 makina, pishinë dhe një fushë sportive, duke u bërë një nga investimet më të mëdha të saj në pasuri të paluajtshme.

Image
Image