Mia Goth tërheq vëmendjen në premierën e “Frankenstein” në Festivalin e Filmit në Londër
Mia Goth shkëlqeu në tapetin e kuq të premierës së filmit “Frankenstein”, duke iu bashkuar bashkë-yllit Jacob Elordi gjatë Festivalit të 69-të të Filmit në Londër BFI.
Aktorja 31-vjeçare u shfaq me një fustan jargavani transparent dhe pa shpinë, që nxirrte në pah figurën e saj të tonifikuar.
Detajet provokative dhe transparenca e fustanit i dhanë një pamje të guximshme dhe sensuale, e përforcuar nga aksesorët me bizhuteri diamanti dhe një stil flokësh elegant, shkruan DailyMail.
Jacob Elordi shfaqej elegant me kostum të zi dhe kravatë, ndërsa regjisori Guillermo del Toro mbante një kostum klasik të zezë, të aksesorizuar me një figurë me krahë të kuq.
Ndërkohë, aktorët e tjerë, përfshirë Mia Tomlinson dhe David Bradley, tërhoqën vëmendje me veshjet e tyre të rafinuara dhe detajet elegante në tapetin e kuq.
Premiera ofroi një pasqyrë të botës së “Frankenstein”, me transformimet dramatike të Jakobit në Krijesë dhe skenat e fuqishme të filmit.
Mia luan rolin e Elizabeth Lavenza, ndërsa Jacob interpreton Krijesën e famshme dhe Oscar Isaac portretizon Viktorin.
Mes spektaklit të filmuar dhe paraqitjeve të tapetit të kuq, evenimenti solli një kombinim të guximit të modës dhe tensionit dramatik të filmit, duke e bërë premierën një nga momentet më të komentuar të festivalit. /telegrafi
