Dua Lipa “pushton” Amerikën e Jugut: Shfaqet në derbin brazilian Fla-Flu
Këngëtarja shqiptare me famë botërore, Dua Lipa, duket se po shijon në maksimum atmosferën e futbollit në Amerikën e Jugut.
Mbrëmë, ajo u pa në stadium duke ndjekur nga tribunat derbin e njohur brazilian “Fla-Flu” mes Fluminense dhe Flamengo-s. E veshur me një fanellë të Brazilit, Dua u shfaq tepër e emocionuar gjatë ndeshjes – moment që klubi i Fluminense-s e publikoi edhe në profilin e tij zyrtar.
Derbi përfundoi me fitoren 2-1 të Fluminense-s.
Kjo nuk është ndeshja e parë që ajo ndjek në rajon. Vetëm pak ditë më parë, Dua ishte në Argjentinë, ku ndoqi supersfidën mes River Plate dhe Boca Juniors.
Mesa duket, ylli i popit ka nisur një “tur futbolli” në Amerikën e Jugut – dhe tifozët nuk e fshehin entuziazmin për praninë e saj. /kultplus
FAZ A FESTA A TRICOLOR DUA LIPA! ë pic.twitter.com/FEy04CZtJ4
— Fluminense F.C. (@FluminenseFC) November 20, 2025