Ronaldo dhe Georgina do të martohen në vendlindjen e futbollistit, Madeira

Pas nëntë vjetësh lidhje, Cristiano Ronaldo dhe e fejuara e tij Georgina Rodriguez po planifikojnë dasmën e tyre, dhe futbollisti i famshëm ka zgjedhur një vend të veçantë për këtë rast.

Çifti, i cili u fejua në gusht, do ta thonë "Po"-në e tyre përfundimtare në ishullin e lindjes së Ronaldos, Madeira, me ceremoninë që do të zhvillohet këtë verë pas Kupës së Botës, raporton The Sun.

Ylli i Al-Nassr thuhet se zgjodhi katedralen në Funchal, ndërsa festimet e dasmës do të vazhdojnë në një nga hotelet luksoze të ishullit.

Është kisha më e vjetër në qytetin e lindjes së Ronaldos, e shenjtëruar në vitin 1514.

Katedralja konsiderohet qendra fetare e rajonit dhe është gjithashtu e njohur për çatinë e saj mbresëlënëse.

Zgjedhja e Funchal për Ronaldon ka një kuptim të thellë personal. Katedralja është më pak se tre kilometra larg spitalit ku ai lindi dhe jo shumë larg stadiumit të klubit të tij të të rinjve, Nacional da Madeira.

Legjenda e Real Madridit kaloi dy vjet atje përpara se, në moshën 12 vjeçe, në vitin 1997, të bashkohej me Sporting Lisbon.