Gjenden të vdekur në banesë regjisori Rob Reiner dhe gruaja e tij, autor i vrasjes dyshohet të jetë djali i tyre
Regjisori Rob Reiner, 78 vjeç dhe gruaja e tij Michele Singer, 68 vjeçe, u gjetën të vdekur në rezidencën e tyre në Los Angeles.
Sipas raportimeve të mediave ndërkombëtare, trupat tregonin plagë që përputheshin me një thikë, ndërsa autor i vrasjes, dyshohet djali i tyre Nick.
Lajmet e publikuara në media thonë se alarmi u dha rreth orës 3:30 pasdite sipas orës lokale, por kur mbërritën zjarrfikësit, ata mundën vetëm të konfirmonin vdekjen. Dera e përparme nuk tregonte shenja të hyrjes me forcë.
Rob Reiner është 78 vjeç dhe gruaja e tij, Michele, është 68 vjeçe.
Reiner drejtoi filma ikonikë si “Stand By Me”, “The Princess Bride” dhe “When Harry Met Sally…”, i fundit prej të cilëve e çoi atë te dashuria e jetës së tij.
Ndërsa po drejtonte filmin “When Harry Met Sally”, Rob takoi Michele-n, një fotografe… dhe të dy u martuan në vitin 1989. Marrëdhënia e tyre e bindi Rob-in të ndryshonte fundin e komedisë romantike në mënyrë që personazhet e Billy Crystal dhe Meg Ryan të përfundonin bashkë.
Rob vazhdoi të ishte regjisor gjatë më shumë se 35 viteve të martesës së tyre. Ata kishin tre fëmijë së bashku; Jake, Nick dhe Romy. Rob ka gjithashtu një vajzë, Tracy, nga martesa e tij e parë me regjisoren Penny Marshall.
