Mbesa e Trumpit habit me deklaratën: Politika është e rrezikshme, do të qëndroj larg saj

Kai Trump, 18-vjeçarja dhe mbesa e Donald Trumpit, ka tërhequr vëmendje të madhe pas paraqitjes në podcastin “Impaulsive” të Logan Paul.

Ajo theksoi qartë se nuk dëshiron të ketë asnjë lidhje me politikën, duke e cilësuar atë si “një gjë të rrezikshme”, pavarësisht se vjen nga një familje shumë e njohur politike.

Kai, e cila është golfiste e suksesshme dhe këtë vit fillon studimet në Universitetin e Miamit, tha se mundohet të qëndrojë larg politikës dhe nuk e sheh veten si politikane në të ardhmen.

Ajo theksoi se shoqëria është bërë tepër e polarizuar dhe se zgjidhja qëndron te kompromisi dhe gjetja e mesatares mes palëve.

Sipas saj, rrjetet sociale kontribuojnë ndjeshëm në thellimin e ndarjeve ekstreme.

Edhe pse deklaroi se gjithmonë do ta mbështesë familjen e saj, Kai u përshkrua si një person “në qendër” politikisht.

Deklaratat e saj u pritën shumë pozitivisht në internet, ku shumë e vlerësuan për pjekurinë dhe mënyrën e balancuar të të menduarit.