Harry Styles dhuron 100 bileta falas për nxënësit e ish-shkollës së tij

Këngëtari britanik Harry Styles ka treguar edhe një herë lidhjen e tij të fortë me vendlindjen, duke dhuruar 100 bileta falas për nxënësit e ish-shkollës së tij, Holmes Chapel Comprehensive School.

Biletat u ndanë për koncertin e tij të vetëm në Coëop Live Arena, që u mbajt të premten në Mançester. Nga rreth 600 aplikantë, 50 nxënës u zgjodhën rastësisht, secili duke marrë nga një biletë për vete dhe një për një shok apo shoqe.

Drejtori i shkollës, Nigel Bielby, tha se ishte “shumë i kënaqur që Harry ka ruajtur një vend në zemrën e tij për rrënjët dhe për komunitetin ku ai u rrit dhe lulëzoi”.

Ndërkohë, artisti 32-vjeçar është duke promovuar albumin e tij më të ri, Kiss All the Time, Disco Oncedocentally, i cili shënon rikthimin e tij pas një pauze trevjeçare. Albumi trajton përvoja dhe emocione personale të këngëtarit, duke reflektuar mbi identitetin e tij si njeri i zakonshëm dhe si një yll i muzikës botërore.

Në një intervistë me Zane Lowe, Styles theksoi rëndësinë e autenticitetit në art: “Gjëja që e bën dikë artist është të të shohë si një njeri i zakonshëm”.

Koncerti në Mançester dhe gjesti i dhurimit të biletave për nxënësit u pa si një mënyrë e veçantë për artistin që të ndajë suksesin e tij dhe të qëndrojë i lidhur me komunitetin ku u rrit. /kultplus