Trajneri kosovar: Jo gjithmonë paraja luan rol kryesor në futboll
Tashmë janë zhvilluar dy javë në Superligën e Kosovës në futboll, raporton Zëri.info.
Lider i renditjes tabelare është Trepça'89 me katër pikë, aq sa ka edhe Ballkani.
Vushtrria është në vendin e parafundit me vetëm një pikë, derisa trajneri Bekim Shotani është i kënaqur me fondin e lojtarëve.
"Kryetari Xhafer Tahiri e ka marrë situatën në dorë duke sjellur njerëz të duhur", tha Shotani në "Arena Sportive", përcjell Zëri.info.
"Më pas erdhi edhe Bajrush Kajtazi, i cili është edhe president i cili solli disa përforcime si dhe morëm lojtarë nga grupmoshat", vlerësoi ai.
"Me rëndësi për klubin është ta shikojmë gjendjen e futbollistëve. Përgatitjet ka rëndësi që i kemi filluar me kohë. Do të ketë befasi. Jo gjithmonë paraja luan rol", shtoi ai./Zëri.info
