Zidane në rrezik, ja trajnerët që mund ta zëvëndësojnë

Zidane në rrezik, ja trajnerët që mund ta zëvëndësojnë

Sport shtator 20, 2019 - 14:41

Pavarësisht merkatos së madhe të bërë nga Real Madridi në verën që kaloi, përsëri rezultatet janë zhgënjyese duke bashkangjitur këtu edhe disfatën e fundit kundër PSG-së në Ligën e Kampionëve, me rezultatin 3:0.
 

Sipas asaj që shkruan “Marca”, Zinedine Zidane tashmë rrezikon shkarkimin nga stoli i spanjollëve. Në listë për të marrë vendin e francezit, në rast largimi është Jose Mourinho, i cili i ka drejtuar madrilenët edhe më parë.

Megjithatë trajneri portugez nuk është kandidati i vetëm për të marrë stolin madrilen, pasi në skenë ka dalë edhe emri i një trajneri tjetër.

Bëhet fjalë për ish-trajnerin e Juventusit, Masimiliano Allegri, i cili ka qenë i lidhur me stolin e Real Madridit edhe në verën e 2018-ës, por asokohe vendosi të qëndrojë te kampionët e Italisë.

Florentino Perez e pëlqen shumë trajnerin italian dhe mund t’ia besojë atij stolin e skuadrës, në rast se vendos të largojë Zidanine.