Gazetari i besueshëm italian zbulon ofertën e madhe për Xherdan Shaqirin, të cilën Liverpooli e refuzoi menjëherë
Xherdan Shaqiri nuk e ka ndërmend të largohet nga Liverpooli këtë muaj.
Pavarësisht minutazhit të ultë këtë edicion nën urdhrat e Jurgen Klopp, mesfushori nga Kosova nuk e preferon largimin nga kampioni i Evropës, shkruan Zëri.info.
Kohëve të fundit, Shaqiri ka qenë i kërkuar nga shumë klube të njohura italiane, përfshirë këtu edhe Galatasarayn.
Para pak çastesh, gazetari i mirënjohur italian, Fabrizio Romano, ka bërë me dije se edhe gjiganti italian, Roma ka shprehur interesim për Shaqirin.
AS Roma today asked for Xherdan Shaqiri on loan as Zaniolo replacement (he’s now injuried). Liverpool refused to loan him out on January. No chance. ë #LFC #Shaqiri
— Fabrizio Romano (@FabrizioRomano) January 13, 2020
Por, sipas tij, Liverpooli e ka refuzuar ofertën e klubit nga kryeqyteti italian.
"Roma ka kërkuar sot huazimin e Xherdan Shaqirit për ta zëvendësuar të lënduarin Nicolo Zaniolo. Liverpooli e ka refuzuar huazimin e tij në janar. Asnjë shans", ka shkruar Romano në "Twitter".
Ndryshe, Shaqiri pas rikuperimit nga lëndimi, tashmë është kthyer në skuadrën e Liverpoolit./Zëri.info
