Besfort Kasumit i besohet derbi i javës së katërt
Sport
September 28, 2020 - 16:08
Lajmet e fundit nga sporti
Komisioni i FFK-së për delegimin e gjyqtarëve, ka caktuar sot emrat e gjyqtarëve që do ta ndajnë drejtësinë në javën e katërt të Superligës së Kosovës në futboll, shkruan “Zeri.info”.
Gjyqtarit të FIFA-s, Besfort Kasumi, i është besuar derbi i javës së katërt ku ballafaqohen Llapi – Ballkani, sfidë që luhet ditën e mërkurën.
Të njëjtën ditë zhvillohen edhe ndeshjet tjera. Gjyqtarit Gramoz Shala i është besuar ndeshja e rivaleve të moçëm Trepçës’89 e Prishtinës.
Lideri i Superligës, befasia Arbëria hap këtë javë me ndeshjen ndaj Feronikelit, që luhet nesër në Obiliq. /Zeri.info