Drenica prezanton futbollistin brazilian, ai ka bërë karrierë te Braga e Portugalisë

Një nga skuadrat më aktive në afatin kalimtar të janarit në futbollin kosovar është Drenica, shkruan “Zeri.info”.

Klubi nga Skenderaj së fundmi ka prezantuar futbollistin brazilian, Jose Denisson si lojtarin më të ri të ekipit.

23-vjeçari brazilian në të kaluarën e tij ka bërë karrierë te Braga e Portugalisë për shumë vite. Së fundmi ai është paraqitur me Braga B

Ai luan në pozitën e sulmuesit të qendrës dhe sulmues anësor.

Në kampionatin e fundit, Jose Denisson ka bërë 42 paraqitje me skuadrën e Bragas.

Denisson i është bashkuar dje (e hënë) “kuqezinjve”, kurse sot (e martë) ai është paraqitur për 20 minuta në miqësoren e zhvilluar në Durrës kundër Gjilanit (1:3).

Ky është përforcimi i nëntë për skuadrën e drejtuar nga Bledar Devolli. /Zeri.info