De Rossi shpjegon se si Roma me 10 lojtarë eliminoi Milanin nga Liga e Evropës

Trajneri i Romës, Daniele De Rossi, ka folur për planin taktik që e ndihmoi atë të drejtonte Romën drejt fitores kundër Milanit, për të kaluar më pas në gjysmëfinale të Ligës së Evropës.

Pas një fitoreje mbresëlënëse ndaj skuadrës tjetër të Serisë A, Milani, që arriti në gjysmëfinale të Ligës së Kampionëve sezonin e kaluar, trajneri i “Giallorossi”-s ka shpjeguar disa nga taktikat që ndihmuan në sigurimin e fitores.

Duke folur për “Sky Sports Italia”, ai vlerësoi mbrojtjen e ekipit të tij dhe tha: “Jam vërtet krenar që jam trajner i një ekipi si ky”.

“Nuk ishte e lehtë, pasi Milani është një ekip shumë i fortë që luan futboll të mirë”, tha De Rossi për shtypin pas ndeshjes.

“Ne pamë dje se edhe Real Madridi u ul dhe u mbrojt, e bëmë edhe ne kur ishte momenti i duhur për ta bërë këtë. Për të mposhtur këtë Milan, ne kishim nevojë për përsosmëri. Ne kishim nevojë për zemër të madhe, pasi dikur ishim deri në 10 lojtarë. Të luash me intensitet, por me inteligjencë dhe njohuri taktike nuk mjafton vetëm vrapimi”.

Kujtojmë se De Rossi mori drejtimin nga Jose Mourinho në janar, në mes të një sezoni zhgënjyes në Serie A për Romën. /Zëri