Tucheli flet para përballjes së parë ndaj Real Madridit në Ligën e Kampionëve

Thomas Tuchel thotë se Bayern Munichu është gati për “luftën” kundër Real Madridit në gjysmëfinale të Ligës së Kampionëve.

Bayern Munichu është gati të përballet me 14 herë fituesin e Ligës së Kampionëve, Real Madridin në fazën gjysmëfinale, ndërsa ndeshja e parë do të zhvillohet të martën (nesër) në “Allianz Arena”. 

Përpara ndeshjes vendimtare, trajneri Thomas Tuchel pohoi se lojtarët e tij janë gati të “pranojnë luftën” që Los Blancos do të bëjnë kundër tyre.

Skuadra bavareze arriti në fazën e katër të fundit pasi mposhti Arsenalin me rezultat të përgjithshëm 3-2 në çerekfinale. 

Herën e fundit që ata arritën në gjysmëfinale ishte në sezonin 2019-2020, kur ata vazhduan të ngrinin titullin e tyre të gjashtë të Ligës së Kampionëve duke mundur Paris Saint-Germainin të Tuchelit asokohe në finale.

Duke folur në konferencën e tij për shtyp para ndeshjes, trajneri gjerman u tha gazetarëve: “Të luash kundër Carlos është gjithmonë diçka e veçantë. Ne do të përpiqemi t’i japim skuadrës së tij një kohë të vështirë. Ne kemi nevojë për tifozët në stadium. Është një ndeshje 50-50. Ne e pranojmë luftën”.

Ai shtoi, “Kur jeni duke luajtur kundër Real Madridit, ju jeni gjithashtu kundër atmosferës, legjendës që i rrethon ata. Fokusi ynë do të jetë plotësisht te loja. Ne të gjithë presim një ndeshje të mrekullueshme”. /Zëri