Cucurrela zbulon qëndrimin e lojtarëve të Chelseat për të ardhmen e Pochettinos

Marc Cucurella foli për qëndrimin e lojtarëve të Chelseat për të ardhmen e Mauricio Pochettinos, mes spekulimeve për shkarkimin e tij të mundshëm.

Mbrojtësi i Bluve zbuloi se Pochettino ka mbështetjen e dhomës së zhveshjes pasi lojtarët e Chelseat duan që argjentinasi të vazhdojë në Stamford Bridge përtej sezonit aktual. 

Ai refuzoi të fajësonte trajnerin për debaklin e klubit kundër Arsenalit pasi lojtari pretendoi se humbja 5-0 ishte për shkak të qëndrimit të dobët të lojtarit në fushë.

Pas humbjes së tyre të rëndë në Emirates Stadium, ish-trajneri i Tottenhamit pranoi se nuk është i sigurt për vlerësimin e pronarëve dhe zyrtarëve të klubit për të. 

Pas humbjes kundër rivalëve të tyre të qytetit, Blutë nuk arritën të regjistronin një fitore fundjavën e kaluar, kur u mbajtën në barazim 2-2 nga Aston Villa.

Duke folur për “The Standard”, spanjolli tha: “Po, me siguri. Ai foli shumë mirë në pjesën e parë dhe të gjithë njerëzit panë reagimin e ekipit. Shumë ndeshje nuk i fitojmë - dhe kjo është pjesë e lojë - por unë mendoj se është më shumë i gjithë problemi sepse ne kemi cilësinë dhe ndoshta nuk tregojmë se çfarë mund të bëjmë”.

“Kur humbim 5-0, nuk mendoj se trajneri mund të bëjë ndonjë gjë. Mendoj se ka të bëjë më shumë me ne (lojtarët), me qëndrimin tonë. Ai na ka ndihmuar shumë, ai ka aftësi të mira komunikimi dhe ekipi e mbështet atë. Ne jemi në një mënyrë të mirë. Ne të gjithë duhet të përmirësohemi çdo javë, të qëndrojmë në të njëjtin nivel dhe të kemi të njëjtin qëndrim çdo minutë sepse duhet të fitojmë. Nëse qëndrojmë së bashku, mund të bëjmë gjëra të mira”. /Zëri