Milani merr një fitore komode në shtëpi ndaj Empolit

Milani ka shënuar fitore me rezultat 3-0 ndaj Empolit në kuadër të javës së 14-të në elitën e futbollit italian.

Në minutën e 14-të Milani pati rastin e parë serioz për gol, por Alvaro Morata e humbi një mundësi të artë shënimi.

Ishte pikërisht Morata ai i cili shënoi për t’i dhënë epërsinë Milanit prej 1-0 në minutën e 19-të pas një topi të kthyer brenda zonës.

Pak minuta pa përfunduar pjesa e parë, vendasit e gjetën edhe golin e dytë, kësaj radhe me Tijjani Reijnders i cili në minutën e 44-të realizoi për 2-0.

Mundësinë e vetme për gol në këtë sfidë Empoli e pati në minutën e 54-të kur Youssef Maleh goditi traversën.

Golin përfundimtar në këtë takim për Milanin e realizoi sërish Reijnders i cili shënoi në minutën e 69-të për 3-0.

Me këtë fitore Milani mban pozitën e shtatë në renditje dhe tashmë ka 22 pikë të grumbulluara.