Barcelona triumfon në miqësore ndaj Vissel Kobe

Barcelona ka arritur fitore me rezultat 3-1 në turneun parasezonal në Japoni ndaj Vissel Kobe. 

Pasi pati iniciativën për pjesën më të madhe të ndeshjes, blaugranasit e gjetën golin në minutën e 33-të përmes Eric Garcias që realizoi për 1-0 pas një tollovie brenda zonës. 

Vendasit ia dolën që të barazojnë rezultatin në minutën e 42-të përmes Taisei Miyashiro i cili realizoi për 1-1 pas një gabimi të pafalshëm nga Pau Cubarsi. 

Në pjesën e dytë Hansi Flick ndryshoi tërësisht përbërjen startuese, duke i dhënë hapësirë blerjeve të reja si Marcus Rashford dhe Roony Bardghji. 

Ishte pikërisht Bardghji ai i cili në fund ia doli të realizonte për t’i dhënë epërsinë për herë të dytë Barcelonës. 

Pas një aksioni mirë të organizuar, Bardghji realizoi në minutën e 77-të për 2-1 pas asistimit nga Robert Lewandowski. 

Për rezultatin përfundimtar të takimit u përkujdes i riu Pedro Fernandez nga La Masia, i cili në minutën e 87-të realizoi për 3-1.

Barcelona tani do t’i luajë edhe dy ndeshje tjera miqësore në Japoni, fillimisht ndaj Seoul pastaj ndaj Daegu.