Kingsley Coman pranon t’i bashkohet Al Nassrit
Kingsley Coman është i hapur për t’u transferuar te klubi saudit Al Nassr, me negociatat që po ecin me ritme pozitive mes të gjitha palëve, raporton Fabrizio Romano.
Al Nassr paraqiti një ofertë zyrtare për Bayern Munich të premten e kaluar, duke shënuar një hap të rëndësishëm drejt realizimit të marrëveshjes.
Klubi nga Arabia Saudite thuhet se i ka ofruar Coman një kontratë fitimprurëse deri në vitin 2028.
Fillimisht, Bayerni refuzoi një ofertë prej 22 milionë eurosh, por bisedimet kanë avancuar dhe tarifa e propozuar e transferimit është rritur në rreth 30 milionë euro.
Klubi gjerman duket i gatshëm të pranojë shitjen, me synimin për të rinovuar skuadrën dhe për të riinvestuar fondet në afrime të reja.
Nëse marrëveshja finalizohet, Coman do t’i bashkohet një skuadre plot yje te Al Nassr, ku bëjnë pjesë edhe Cristiano Ronaldo dhe João Félix, duke konfirmuar rritjen e ndikimit të Ligës Profesionale Saudite në tërheqjen e lojtarëve të profilit të lartë ndërkombëtar.
ë Understand Kingsley Coman is open to joining Al Nassr as talks are well underway between all parties.
— Fabrizio Romano (@FabrizioRomano) August 9, 2025
Al Nassr have sent official bid to Bayern on Friday, as exclusively revealed.
Deal absolutely on. ë pic.twitter.com/yBCeWqUNWo
