Barcelona konfirmon stadiumin ku do ta zhvillojë ndeshjen ndaj PSG-së në Ligën e Kampionëve

Barcelona ka konfirmuar se në cilin stadiumin do ta zhvillojë ndeshjen ndaj Paris Saint-Germainit në kuadër të Ligës së Kampionëve.

Lajmi është konfirmuar përmes një komunikate zyrtare në platformën X.

Sipas njoftimit, ndeshja Barcelona – PSG do të zhvillohet në stadiumin “Lluis Companys” më 1 tetor (e mërkurë), në orën 21:00.

“FC Barcelona njofton se ndeshja e dytë e fazës së grupeve të Ligës së Kampionëve, të mërkurën, më 1 tetor, në orën 21:00, kundër Paris Saint-Germainit, do të luhet në stadiumin olimpik Lluis Companys.

Klubi vazhdon të punojë intensivisht për të marrë lejet e nevojshme administrative për hapjen e Spotify Camp Nou në muajt në vijim.

FC Barcelona dëshiron të falënderojë anëtarët dhe tifozët e saj për mirëkuptimin dhe mbështetjen e tyre gjatë gjithë një procesi kaq kompleks dhe emocionues siç është rikthimi në Spotify Camp Nou të ri”, thuhet në komunikatën e klubit. /Zëri

FC Barcelona official statementhttps://t.co/KlJdwCMYv2

— FC Barcelona (@FCBarcelona) September 19, 2025