Arteta, në dyshime për Sakan dhe Odegaardin për ndeshjen ndaj Man Cityt

Trajneri i Arsenalit, Mikel Arteta, ka refuzuar të përjashtojë rikthimet e Bukayo Sakas dhe Martin Odegaardit për ndeshjen e tyre kundër Manchester Cityt.

Saka ka humbur dy ndeshjet e fundit të Arsenalit, pasi u tërhoq gjatë fitores së Gunners ndaj Leeds. Martin Odegaard pësoi një dëmtim fundjavën e kaluar, teksa Arsenali mundi Nottingham Forest 3-0.

Duke folur gjatë konferencës së tij për shtyp të premten, Arteta tha: “Nëse ka një shans [që ata të luajnë], do të jetë pas seancës së nesërme, sepse nuk kemi bërë asgjë ende, kështu që do të kemi më shumë informacion nesër”.

Ndeshja Arsenal – Man City do të zhvillohet të dielën në “Emirates”, në orën 17:30. /Zëri