Barcelona konfirmon lëndimin jo të lehtë të Pedrit
Barcelona ka konfirmuar se mesfushori Pedri ka pësuar një këputje në muskulin distal biceps femoris të kofshës së majtë. Klubi deklaroi se rikuperimi i lojtarit do të përcaktojë se kur ai mund të rikthehet në aksion.
Pedri, i cili luajti çdo minutë të 13 ndeshjeve të para zyrtare këtë sezon, kishte treguar shenja lodhjeje në El Clasico, ku u përjashtua.
Ai gjithashtu do të humbiste ndeshjen e së dielës në La Liga kundër Elche për shkak të pezullimit.
Megjithatë, mesfushori është detyruar të ndërpresë stërvitjen, duke qëndruar në palestër për punë individuale dhe tani pritet të humbasë të paktën ndeshjen e ardhshme të Ligës së Kampionëve kundër Club Brugge dhe ndeshjen e La Ligas me Celta Vigon.
“Lojtari i ekipit të parë, Pedri, ka pësuar një këputje në muskulin biceps femoris distal në kofshën e majtë. Rikuperimi i lojtarit do të diktojë rikthimin e tij në aksion”, thuhet në njoftimin e Barcelonës.
Lëndimi është një goditje e madhe për trajnerin Hansi Flick, i cili humbet lojtarin e tij kyç për dy ndeshje vendimtare pak para pushimit ndërkombëtar të nëntorit, mes problemeve të vazhdueshme të Barcelonës me një krizë në rritje të lëndimeve.
ë ë
— FC Barcelona (@FCBarcelona) October 29, 2025
First team player Pedri has suffered a tear in the distal biceps femoris muscle in his left thigh.
The player's recovery will dictate his return to action. pic.twitter.com/36sw9sJL8z
