Vendos goli i Almir Ajzerajt, Drita bën historinë në Ligën e Konferencës

Drita e ka shijuar fitoren e parë në histori në fazën e ligës të Ligës së Konferencës, duke triumfuar në udhëtim te Shelbourne.

“Intelektualët” i arkëtuan pikët e plota me rezultat minimal 0-1, sfidë në të cilën ishin më të mirë në periudhën më të madhe të kohës.

Vendasit ishin me një lojtar më pak që nga minuta e 16-të pasi James Norris bëri një ndërhyrje të ashpër te Ajzerajt, kësisoj u ndëshkua direkt me karton të kuq.

Sidoqoftë, vendasit rrezikuan të parët përmes Ademipo Odubeko, i cili goditi shtyllën.

Ndërkohë, edhe Drita rrezikoi përmes Rron Brojës, që tentoi të shënonte me kokë por goditi traversën.

Ishte Almir Ajzeraj që bëri heroin për mysafirët me një gol nga distanca, me goditjen që u devijua nga dy lojtarët vendas dhe përfundoi brenda rrjetës (57’).

Vetëm gjashtë minuta më vonë, Drita ishte afër ta dyfishonte epërsinë por portieri e ndali goditjen me kokë të Soumahoros.

Me këtë fitore të madhe, Drita ngjitët në pozitën e 14-të me pesë pikë ndërsa Shelbourne renditet në vendin e 30-të me një sosh. /Telegrafi