Shkëndija e Haraçinës, kampion vjeshte në Ligën e Dytë të Maqedonisë
Në Ligën e Dytë të Maqedonisë së Veriut, ku garojnë 16 ekipe dhe vetëm njëra prej tyre është shqiptare, Shkëndija e Haraçinës ekip ky i cili u rikthye në këtë garë nga Liga e Tretët sezonin e kaluar dhe po shkruan një histori të veçantë, njofton Telegrafi..
Pas 14 javësh të zhvilluara, Shkëndija e Haraçinës ka konfirmuar formën e jashtëzakonshme dhe është shpallur kampione vjeshtore, një arritje që merr peshë edhe më të madhe duke parë konkurrencën e fortë në këtë nivel.
Në ndeshjen e fundit të javës së 15-të, e zhvilluar në stadiumin e lagjes Hasanbeg të Shkupit pa praninë e tifozëve, Shkëndija e Haraçinës e mposhti me lehtësi Sasa Kamenicën me rezultatin 2-0. Amir Nuhija zhbllokoi takimin, ndërsa në pjesën e dytë Liviareka vulosi fitoren, duke mbajtur të paprekur pozitën e parë në tabelë.
Bregallnica mbetet në vendin e dytë me dy pikë më pak se lideri, ndërsa Ohri ndodhet në vend të tretë, pesë pikë larg Shkëndijës së Haraçinës, por me dy ndeshje më pak. Matematikisht, mund të kapë kreun, por ndeshja e prapambetur do të luhet më 14 shkurt – që do të thotë se Shkëndija e Haraçinës do të dimërojë e vetme në krye të klasifikimit.
Duhet theksuar se Shkëndija e Haraçinës nuk po shkëlqen vetëm në kampionat. Ajo është kualifikuar edhe në çerekfinalet e Kupës së Maqedonisë, pasi eliminoi fillimisht Sasan e Ligës së Dytë dhe më pas Pelisterin e Ligës së Parë, një tjetër dëshmi e rritjes dhe ambicies së ekipit të vetëm shqiptar në këtë kategori.
