Ish-lojtari i Real Madridit: Vinicius Jr nuk përfaqëson vlerat e klubit, pajtohem me tifozët që janë mërzitur shumë për të

Trajneri spanjoll, Quique Sanchez Flores, pohoi se qëndrimi i futbollistit brazilian Vinicius Junior në vitet e fundit nuk përfaqëson vlerat e Real Madridit.

“Mendoj se ai nuk përfaqëson vlerat e Real Madridit në dy vitet e fundit dhe është shumë larg lojtarit që mund të bëhet”, deklaroi ai gjatë një interviste në El Partidazo de COPE, transmeton “Zëri”.

“Pajtohem me tifozët që janë mërzitur shumë për Viniciusin”, rrëfeu Sanchez Flores.

Ish-trajneri i Getafes dhe Sevillas, ndër të tjerë, analizoi gjithashtu incidentin gjatë zëvendësimit të brazilianit në Clasicon e fundit në Santiago Bernabeu.

“Xabi duhej të kishte ndërmarrë hapat e nevojshëm pas atij ndryshimi. Klubi kishte mundësinë të mbështeste ose trajnerin ose lojtarin: Dhe ata e mbështetën lojtarin”.

Lidhur me shkarkimin e trajnerit të lindur në Tolosa, ai rrëfeu se “nuk e habiti” dhe se beson se ishte “gjëja më e mirë për Xabin”.

“Këto vdekje të parashikuara janë shumë tragjike, shumë të dhimbshme, shumë të padrejta… Dhe ajo që dëshiron për një koleg është që nëse duhet të ndodhë, të ndodhë sa më shpejt të jetë e mundur; sjellja e tij ishte ajo e një trajneri të rraskapitur”, deklaroi ai. /Zëri