Sterlingu largohet nga Chelsea me marrëveshje të ndërsjellë

Raheem Sterling është një agjent i lirë, pasi sulmuesi arriti një marrëveshje me Chelsean për të ndërprerë kontratën e tij, konfirmoi klubi të mërkurën.

31-vjeçari luajti për herë të fundit për Blues në maj 2024 dhe e kaloi sezonin e kaluar në huazim tek Arsenali, pasi u konsiderua i tepërt për kërkesat në Stamford Bridge.

Sterling kishte 18 muaj të mbetur në kontratën që nënshkroi kur iu bashkua Chelseat nga Manchester City në 2022 për 47.5 milionë euro, por tani ai do të largohet me marrëveshje të ndërsjellë.

Anësori anglez ishte nënshkrimi i parë i madh i epokës së Todd Boehly dhe Clearlake Capital, pasi ata morën pronësinë e klubit nga Roman Abramovich në maj 2022.

Sterling bëri gjithsej 81 paraqitje për Chelsean, duke shënuar 19 gola, por klubi u zhvendos drejt një politike të nënshkrimit të lojtarëve të rinj me kontrata afatgjata dhe pasi u bllokua nën Enzo Maresca, ai e kaloi sezonin e kaluar në huazim te Arsenali ku nuk arriti ta niste karrierën e tij. Ai nuk ka luajtur një ndeshje zyrtare prej tetë muajsh, ndeshja e fundit e Arsenalit për sezonin 2024-25 dhe kishte qenë duke u stërvitur larg skuadrës së parë në Cobham. /Zëri