Kosova mund të përfitojë nga paraqitjet e mira në Ligën e Kombeve të sezonit të ardhshëm
Sport
February 11, 2026 - 20:07
Shorti i fazës së ligës së Ligës së Kombeve, për edicionin 2026/27 do të mbahet nesër (e enjte), me fillim nga ora 18:00, në Bruksel.
Aty, Kosova është pjesë e Ligës B dhe do të jetë në vazon e katërt.
Megjithatë, nga ky short dhe nga paraqitja e Kosovës në këtë kompeticion, kombëtarja dardane do të mund të ketë një lehtësim për tutje.
Renditja në grupin e Ligës së Kombeve do të ketë ndikim direkt edhe në shortin për kualifikimet për EURO 2028.
Nëse “Dardanët” arrijnë pozitën e parë ose të dytë në grupin e tyre do e përfitojnë mundësinë të jenë pjesë e vazos së dytë në shortin e kualifikueseve për kampionatin e ardhshëm evropian.
Poashtu nëse fitohet grupi – si çdoherë do të jetë mundësia për të luajtur në “playoff” për një vend në EURO 2028.
