Pas humbjes, Osmani: Na dhanë krenari dhe emocion pa fund, mbi të gjitha bashkuan një komb
Sport
March 31, 2026 - 23:57
Presidentja e vendit, Vjosa Osmani ka reaguar pas humbjes së Kosovës nga Turqia.
Dardanët u mposhtën minimalisht 1-0 nga ekipi turk në stadiumin “Fadil Vokrri”.
Osmani u shpreh se përkundër humbjes, ajo që na dhanë sonte Dardanët është më e madhe se një fitore, duke na dhënë krenari dhe emocion pa fund. /Zëri
Postimi i plotë:
Dardanët e zemrave tona!
Më afër Botërorit se kurrë, por me sukses që mbetet i gdhendhur në faqet e historisë gjithsesi.
Ajo që na dhanë sonte është më e madhe se një fitore: na dhanë krenari dhe emocion pa fund, por mbi të gjitha, bashkuan një komb të tërë, në Kosovë, Shqipëri e kudo që ka shqiptarë!
Sonte zemrat tona rrahën si një.
Përgjithmonë me ju Dardanë!
