Kjo është përqindja e pjesëmarrjes në zgjedhje deri në orën 13:00

Komisioni Qendror i Zgjedhjeve ka përditësuar të dhënat për pjesëmarrjen e qytetarëve në zgjedhjet e parakohshme parlamentare.

Sipas KQZ-së, deri në orën 13:00 të drejtën e tyre e kanë shfrytëzuar 345.101 qytetarë, ose në përqindje 17.26, raporton Zeri.info.

Komuna me pjesëmarrjen më të lartë është Ranillugu, ku kanë votuar mbi 33% të qytetarëve, ndërsa më e ulëta regjistrohet në Leposaviq - vetëm 1,57%.