Vëllai i ikonës së boksit shqiptar Luan Krasniqi, Agim Krasniqi, kandidon për Asamblenë e Komunës së Junikut
Agim Krasniqi, trajneri i njohur i sportit dhe figurë e respektuar në Junik, ka shpallur zyrtarisht vendimin e tij për të kandiduar për Asambleist në Kuvendin Komunal të Junikut.
Në një mesazh drejtuar qytetarëve dhe bashkëvendësve të tij, ai theksoi se ky hap është i lidhur ngushtë me dashurinë për Junikun dhe dëshirën për ta ndihmuar rininë e këtij qyteti.
“Vendimi im për t’u kandiduar lidhet ngushtë me Junikun dhe mundësinë time për ta ndihmuar rininë e Junikut. Dua që çdo ekip i përfaqësimeve tona shtetërore të kalojë nëpër Junik,” u shpreh Krasniqi.
Edhe Luan Krasniqi u shpreh lidhur me kandidaturën e vëllait të tij, duke thënë: “Jam krenar për rrugëtimin e vëllait tim dhe gjithmonë jam në krah të tij.
” Ai theksoi se nuk dëshiron të humbasë kohë me biseda të gjata, pasi përkushtimi i tij është i qartë – koha duhet shfrytëzuar për punë konkrete.
“Votoni me kujdes për ta zhvilluar Junikun,” shtoi ai në fund të mesazhit të tij. Kandidatura e Agim Krasniqit shihet si një mundësi për të sjellë në institucionet lokale një figurë me energji, përkushtim dhe vizion, i cili synon që përmes angazhimit të tij të ofrojë mbështetje të veçantë për rininë dhe zhvillimin e qytetit. Agim Krasniqi ka qenë gjithmonë në krah të vëllait të tij Luan dhe sot stërvit dy djemtë e tij të suksesshëm, Adrianin dhe Arianidin Krasniqi, të cilët janë në rrugën drejt Olimpit të boksit.
Statusi i tij i plotë:
Të nderuar qytetarë të Junikut Bashkvendas te mi Vendimi im për tu kantidue për Asambleist në Kuvendin komunal te Junikut , lidhet ngushtë me Junikun dhe mundsia ime per ta ndihmue Rinin e Junikut. Dua që gjdo ekip i Reprezetacioneve tona Shtetrore te kalojë neper Junik. Andaj nuk dua te zgjerohem shum ne biseda, sepse kohen duhet shfrytzue për punë. Votoni me Kujdes për ta zhvilluar Junikun.
