Rrëfimi i shqiptares nga Barcelona: 30 sekonda që shpëtuan jetën time e të vogëlushes
Aktuale
August 17, 2017 - 22:55
Vetëm 30 sekonda kanë shpëtuar nga vdekja Rominën, gruan e re shqiptare dhe vajzën e saj vetëm 1 muajsh e cila ndodhej në zonën e famshme turistike Las Ramblas, kur një furgon u përplas me turmën e njerëzve.
“Kam shpetu për 30 sekonda. Mos të kishim hyr në dyqan kisha vdekur me gjithë gocën 1 muajsh” shkruan ajo në komentet në facebook poshtë videos live të Ora News ku po transmetoheshin informacionet e fundit nga sulmi në Barcelonë.
Më pas komentuesve që i gjenden pranë ajo i përgjigjet më tej “Shumë flm akoma se kam marr veten tu u dridh jam” .
Në profilin e saj në facebook Romina Dervishi ka postuar dhe video nga vendngjarja: Panik, zhurma e ambulancave, helikopterë që fluturojnë lart dhe kontrollojnë zonën, njerëz që ikin të frikësuar.