Franca në alarm, temperaturat i afrohen niveleve rekord

Franca vendosi 35 departamente nën alarmin më të lartë të valës së të nxehtit të kuq të dielën, ndërsa 45 të tjerë mbetën nën alarmin portokalli, pasi autoritetet paralajmëruan se temperaturat mund të afrohen në nivele rekord në ditët në vijim, sipas RTL.

Agjencia kombëtare e motit Meteo-France tha se temperaturat mund të arrijnë në nivel lokal 41 gradë Celcius të dielën dhe paralajmëroi se e hëna pritet të jetë edhe më e nxehtë, raporton Anadolu, transmeton klankosova.tv.

Agjencia tha se temperatura mesatare kombëtare mund të përputhet me nivelin më të lartë ditor të regjistruar ndonjëherë në Francë, pavarësisht stinës.

Temperaturat maksimale parashikohet të variojnë midis 40 gradë Celsius dhe 42 gradë Celcius në zonat nën alarm të kuq.

Meteo-France tha se vala e të nxehtit pritet të vazhdojë gjatë pjesës më të madhe të javës së ardhshme, me temperatura jashtëzakonisht të larta gjatë ditës dhe natës që ka të ngjarë të vazhdojnë të paktën deri të enjten.

Gjithashtu, të dielën, ajo vendosi katër departamente nën një paralajmërim për rrezik të lartë zjarri në pyje dhe tha se numri do të rritet në 11 të hënën, pasi kushtet e nxehta dhe të thata vazhdojnë në pjesë të ndryshme të vendit.

Autoritetet nuk e kanë përjashtuar zgjatjen e alarmit të kuq në departamente të tjera të hënën.