Prokuroria niset për në Strellc të Deçanit, ku dyshohet se djali ka vrarë babanë aksidentalisht

Një rast i rëndë dyshohet se ka ndodhur në stanet e Strellcit në komunë të Deçanit.

Sipas raportimeve, atje dyshohet se djali ka vrarë aksidentalisht babanë e tij me armë zjarri.

Zëdhënësi i Prokurorisë në Pejë, Shkodran Nikçi, ka konfirmuar për “Zërin” se prokurori i rastit është rrugës për në vendin e ngjarjes

“Prokurori i rastit është duke shkuar në vendin e ngjarjes”, ka deklaruar Nikçi.

“Zëri” ka kontaktuar edhe Policinë e Pejës, por deri tani nuk kanë dhënë detaje për rastin. /Zëri