AAK paralajmëron protesta kundër heqjes së taksës
Aktuale
February 28, 2020 - 15:05
Shefi i Grupit Parlamentar të AAK-së, Daut Haradinaj, ka thënë se ky subjekt do ta kundërshtojë në të gjitha format heqjen e taksës 100 për qind të vendosur ndaj mallrave serbe, raporton zeri.info.
Haradinaj madje nuk ka përjashtuar as organizimin e protestave.
“Do ta kundërshtojmë me të gjitha mjetet. Edhe protestat janë mjet demokratik. Kjo nuk është personale me kryeministrin”, theksoi Haradinaj.
Paralajmërimi i Kurtit për heqjen e taksës sipas tij është nënshtrim ndaj Serbisë./Zëri
