Nagavci nuk do ta udhëheqë seancën, thotë se LVV-ja nuk do të bëjë veprime të dhunshme sot
Nënkryetarja e Kuvendit të Kosovës nga radhët e Lëvizjes Vetëvendosje, Arbërie Nagavci, u deklarua se partia që ajo përfaqëson nuk do të bëjë veprime të dhunshme sot gjatë krijimit të qeverisë së re, raporton “Zeri.info”.
Nagavci u shpreh se këtë seancë nuk do ta udhëheqë ajo nëse Osmani nuk pranon ta drejtojë atë.
“Kjo seancë është seancë e turpit, jam e gëzuar që Osmani nuk do të bëhet pjesë e këtij turpi. Unë nuk do ta udhëheq seancën nëse nuk e udhëheq Osmani”, deklaroi ajo.
Tutje, ajo u shpreh se qytetarët kërkojnë zgjedhje të reja.
“Më 3 shkurt u votua ‘qeveria e shpresës’, pse të krijohet një qeveri e re? Kundërshtimin e kësaj qeverie e japin qytetarët çdo ditë, kërkesa e tyre është për zgjedhje të reja”, tha Nagavci, raporton “Zeri.info”.
