Komuna e Klinës do të paguajë udhëtimin e nxënësve për në shkollë
Komuna e Klinës ka bërë të ditur se do të fillojë që të paguajë udhëtimin e nxënësve për në shkollë, përcjell Zeri.info
Në një njoftim nga kjo komunë thuhet se ky projekt do të realizohet gjatë periudhës tre vjeçare dhe ka një kosto prej 64.507, të cilat do të paguhen nga buxheti komunal.
Kryetari i kësaj komune, Zenun Elezaj ka theksuar se realizimi i këtij projekti është bërë si rezultat i kërkesave të shumta të qytetarëve dhe me qëllim që të krijohet një lehtësi financiare për prindërit, veçanërisht ata me kushte jo të mira financiare.
Njoftimi i plotë:
Komuna e Klinës do të paguajë udhëtimin e nxënësve për në shkollë
Komuna e Klinës do të fillojë të bëjë pagesat për udhëtimin e nxënësve për në shkollë, projekt ky i cili do të realizohet gjatë periudhës tre vjeçare dhe që ka një kosto prej 64 507 euro, të cilat do të paguhen nga buxheti komunal.
Kryetari Elezaj ka theksuar se realizimi i këtij projekti është bërë si rezultat i kërkesave të shumta të qytetarëve dhe me qëllim që të krijohet një lehtësi financiare për prindërit, veçanërisht ata me kushte jo të mira financiare.
Pagesat për udhëtimin e nxënësve do të bëhet për këto linja të udhëtimit:
- Relacioni Klinë
Klinafc – Klinë, Gjurgjevik i Vogël – Klinë
- Relacioni Zllakuqan
Kosh – Zllakuqan, Radulloc – Zllakuqan, Krushevë e Madhe – Zllakuqan
- Relacioni Shtupel
Lagja e Bajakës – Shtupel
- Relacioni Gremnik
Qupevë e Ulët – Gremnik, Qupevë e Lartë – Volljakë
- Relacioni Drenoc
Dugajevë – Drenoc, Poterq i Ulët – Drenoc
- Relacioni Gremnik
Qeskovë – Këpuz, Rastokë – Këpuz, Bokshiq – Grabanicë, Dollovë – Grabanicë
- Relacioni Ujmirë
Shtaricë – Ujmirë, Doberdol – Ujmirë
Komuna e Klinës do të shqyrtojë mundësitë që në vitet e ardhshme një projekt i ngjashëm të realizohet edhe në linja tjera të udhëtimit.
