Bëhet thirrje për protestë në ditën kur do të diskutohet për Asociacionin

Bëhet thirrje për protestë në ditën kur do të diskutohet për Asociacionin

Aktuale January 29, 2023 - 15:55

Në rrjete sociale po qarkullojnë mbishkrime për thirrje për protestë gjatë ditës së marte.

Protesta nuk dihet se nga kush po organizohet, por thuhet se po bëhet për ta kundërshtuar Asociacionin e Komunave me Shumicë Serbe.

Sipas njoftimit, protesta do të filloj në sheshin e Prishtinës duke filluar nga ora 12:00.

Kujtojmë se, Ambasada amerikane e ka organizuar një takim me datë 31 janar, ku ka ftuar zyrtarët politikë, organizatat joqeveritare dhe eksponent të tjerë të politikës në Kosovë.Kjo sipas ambasadës, po bëhet që “të avancojë mirëkuptimin e ndërsjellë për përkushtimin ndaj Asociacionit, në mbështetje të dialogut mes Kosovës dhe Serbisë që ndërmjetësohet nga BE-ja”.

Image

“Ne jemi duke organizuar këtë diskutim, në përputhje me synimin tonë për të avancuar integrimin e Kosovës në strukturat evropiane dhe euro-atlantike, por edhe si reflektim i miqësisë sonë për kohë të gjatë, dhe mbështetjes për popullin e Kosovës”, ishte përgjigja nga Ambasada amerikane për Shqip.com.