Mimoza Kusari njofton për vdekjen e babait të saj
Aktuale
December 25, 2025 - 20:28
Mimoza Kusari-Lila ka njoftuar për vdekjen e babait të saj.
Ajo në një njoftim në profilin e saj në Facebook ka shkruar:
Të dashur miq dhe familjarë,
Me pikëllim të thellë ju njoftojmë se babai, bashkëshorti dhe gjyshi ynë, Adem Kusari, ka ndërruar jetë sot pasdite, pas një sëmundje të shkurtër.
Babi u nda nga jeta ashtu siç jetoi: i rrethuar nga familja me dashuri, me dinjitet, me respekt për jetën dhe për njeriun, që e përcollën deri në frymën e fundit.
Kujtimi për të dhe mësimet që na la Babi do të na shoqërojnë në gjithë rrugëtimin tonë në këtë jetë.
Për detajet e ceremonisë mortore do t’ju njoftojmë së shpejti.
