13 të moshuar në Prishtinë pajisen me orë inteligjente për monitorim
Aktuale
September 17, 2026 - 15:38
Trembëdhjetë rezidentë të Shtëpisë së të Moshuarve pa Përkujdesje Familjare në kryeqytet janë pajisur me orë inteligjente “Monitoring Care”, me qëllim rritjen e sigurisë dhe përmirësimin e përkujdesjes ndaj tyre.
Sipas njoftimit të Komunës, kjo nismë është realizuar nga Drejtoria e Mirëqenies Sociale, në bashkëpunim me “Assistive Center”, në kuadër të projektit “Sistemi ‘Monitoring Care’ për Mbrojtjen dhe Kujdesin e të Moshuarve”.
Po ashtu është bërë e ditur se do të vazhdohet puna për një përkujdesje sa më të sigurt, dinjitoze dhe cilësore për të moshuarit.
