Pejë, protestuesit lyejnë me ngjyrë të kuqe këpucët e policisë
Aktuale
October 30, 2026 - 14:32
Këpucët e zyrtarëve policorë janë lyer me ngjyrë të kuqe gjatë protestës që po mbahet në Pejë, në shenjë revolte pas vrasjes së 49-vjeçares Arlinda Zekaj.
Pamjet nga protesta tregojnë këpucët e policëve të lyera me ngjyrë të kuqe, ndërsa protestuesit po kërkojnë drejtësi për vrasjen e Zekajt dhe përgjegjësi nga institucionet.
Protesta po mbahet pas rastit të rëndë të vrasjes së Arlinda Zekajt, e cila u vra më 25 tetor në Vitomiricë të Pejës nga kunati i saj, Albert Sylaj.
Vrasja ka nxitur reagime të shumta dhe kritika ndaj institucioneve për mënyrën sesi është trajtuar rasti dhe për dështimin në mbrojtjen e viktimës.
