Pezullohet projekti “Stargate UK”, OpenAI dhe Nvidia përballen me kosto të larta energjie

OpenAI dhe Nvidia kanë vendosur të shtyjnë përkohësisht projektin e tyre të madh të qendrave të të dhënave në Mbretërinë e Bashkuar, i njohur si “Stargate UK”.

Sipas raportimeve ndërkombëtare, arsye kryesore për pezullimin janë kostot e larta të energjisë elektrike dhe pasiguritë rregullatore në vend, përfshirë çështjet e licencimit dhe përdorimit të të dhënave për inteligjencën artificiale.

Projekti konsiderohej pjesë e zgjerimit të infrastrukturës së AI në Evropë, por tani është vënë në pritje deri në përmirësimin e kushteve ekonomike dhe të tregut të energjisë.